contenteditable="true">
Il-Kummissjoni Ewropea > Tassazzjoni u Unjoni Doganali > Databases > SAMANCTA

Navigazzjoni


SAMANCTA >

Lingwi oħra >  
SAM-112

Ħabb u żrieragħ sfużi
Kampjunar

Oġġetti
Definizzjoni

(list of HS codes covered by this card)		 Prodotti granulari mhux ippakkjati; ħbub, żrieragħ; prodotti tal-ikel; għalf tal-annimali, eċċ.

Żrieragħ taż-żejt, frott żejtni, u kull forma ta’ prodotti pelitizzati

Għall-prodotti fil-forma ta’ trab ara l-iskeda speċifika għal “Oġġetti tal-ikel, trab”.

Għall-prodotti f’pakketti individwali ara l-iskeda speċifika għal ”Pakketti għall-bejgħ bl-imnut u oġġetti lesti”.

Ħabb u żrieragħ sfużi
Kwantità minima rrakkomandata għal kull kampjun
  • Il-kampjuni inkrimentali għandhom ikunu proporzjonati għall-prodott li jkun qed jittieħed kampjun tiegħu iżda mhux aktar minn 1 kg
  • Il-kampjuni finali għandhom ikunu 500 g (1 kg għad-determinazzjoni tal-kwalità tal-qamħ)
Standards EN/ISO speċifiċi għall-ħabb sfuż
  • ISO 542 Żrieragħ taż-żejt – Kampjunar
  • ISO 948 Ħwawar u kondimenti. Kampjunar
  • ISO 24333 Ċereali u prodotti taċ-ċereali - Kampjunar
  • ISO 10725 Pjan ta’ aċċettazzjoni għall-kampjunar u proċeduri għall-ispezzjoni ta’ materjal bil-kwantità.
  • ISO 11648-1 Aspetti statistiċi tal-kampjunar minn materjal bil-kwantità - Parti 1. Prinċipji ġenerali.
  • ISO 11648-2 Aspetti statistiċi tal-kampjunar minn materjal bil-kwantità - Parti 2. Kampjunar ta’ materjal f’partikuli.
  • Ir-Regolament tal-Kummissjoni (KE) Nru 152/200 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
  • Ir-Regolament tal-Kummissjoni (UE) Nru 642/2010 tal-20 ta’ Lulju 2010 dwar regoli ta’ applikazzjoni għar-Regolament tal-Kunsill (KE) Nru 1234/2007 dwar id-dazju ta’ importazzjoni fis-settur taċ-ċereali.
Għandek tirreferi wkoll għal-leġiżlazzjoni nazzjonali u l-linji gwida nazzjonali tiegħek rigward il-kampjunar.

Tagħmir meħtie
L-għodda ssuġġerita għall-kampjunar skont il-metodu użat
  • Kazzola, sassla bil-manku (S03-01).
  • Sonda b’forma miftuħa (pelican).
  • Sonda b’forma miftuħa maqsuma f’sezzjonijiet (S02-01).
  • Sonda ta’ forma magħluqa ċilindrika u bit-toqob, apposta għal kwantitajiet kbar (S01-01).
  • Sonda, tat-tip "Nobbe", tubu singolu b’ponta forma ta’ lembut, b’dijametru ta’ 10 mm u fetħa ovali tul il-ġenb.
Tagħmir għat-tqassim tal-kampjuni:
  • Apparat għat-tqassim fi kwadranti (metodu ta’ qsim f’erba’ partijiet).
  • Separatur tal-kampjuni f’għamla ta’ lembut li jdur (tat-tip Boerner).
  • Separatur tal-kampjuni b’diversi skanalaturi. (D01-01)
Kontenituri li għandhom jintużaw għall-kampjunar Il-kontenituri jridu jkunu magħmula minn materjal tajjeb għall-konservazzjoni tal-ikel.
  • Boroż tal-plastik, daqsijiet differenti, bit-tikketta stampata fuqhom minn qabel jew le (P00).
  • Fliexken tal-plastik, daqsijiet differenti (P01, P03, P04)
Prekawzjonijiet tas-sikurezza u valutazzjoni tar-riskju Jekk jogħġbok irreferi għal-leġiżlazzjoni u l-linji gwida nazzjonali tiegħek dwar is-saħħa u s-sikurezza.

  • Meta l-ħabb ikun qed jiġi trasportat sfuż, huwa importanti li l-uffiċjali jilbsu protezzjoni xierqa għan-nifs minħabba li l-esponiment għat-trab jista’ jikkawża l-asthma, l-alveolite allerġika estrinsika (EAA), ir-rinite u l-konġuntivite, li kollha jistgħu jsiru kroniċi.
  • Meta l-ħabb ikun qed jiġi trasportat sfuż, irid ikun hemm rotazzjoni tal-kompiti tal-uffiċjali, biex l-esponiment jinżamm fil-minimu assolut. Il-maniġers għandhom iżommu rekord bil-miktub sabiex juru l-ammont ta’ ħin li l-uffiċjali jqattgħu fuq il-post.
  • Il-prodotti ta’ oriġini veġetali jista’ jkun fihom it-trab jew ikunu infestati b’aġenti li jkunu ta’ periklu għas-saħħa tal-bniedem. Trid tilbes ilbies adattat approvat skont il-liġi nazzjonali tiegħek dwar is-saħħa u s-sikurezza, inkluż ingwanti, viżiera jew protezzjoni għan-nifs, nuċċali speċjali jew goggles għal għajnejk, elmu, żarbun tax-xogħol.
  • Meta jkun possibbli, qabel jibda l-ħatt/il-kampjunar, għandha ssir spezzjoni viżwali preliminari tat-tagħbija għal sinjali ta’ infestazzjonijiet ta’ insetti jew vermini u/jew sinjali ta’ fungus jew moffa. Jekk ikun meħtieġ, għandhom jittieħdu miżuri preventivi addizzjonali sabiex tevita l-inalazzjoni aċċidentali ta’ trab jew spori.
  • Il-prodotti li jinħażnu b’mod inkorrett jista’ jkun fihom livelli ġenerali jew konċentrazzjonijiet lokalizzati ta’ mikotossini.
  • L-oġġetti maħżuna f’kundizzjonijiet miftuħa jistgħu jattiraw il-firien u b’hekk iħallu riskju tal-marda ta’ Weil.

Pjanijiet għall-kampjunar għall-konsenji bil-kwantità
Tip ta’ konsenja Pjan tal-kampjunar
Boroż, btieti Kampjun aggregat wieħed: b’għażla aleatorja minn partijiet differenti tal-konsenja.

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
Kwantitajiet sfużi li jkunu qegħdin jiġu mċaqilqa fuq konvejer jew fluss ta’ ħabb ieħor Kampjun aggregat wieħed: minn kampjuni inkrimentali tul il-wisgħa kollha tal-fluss, b’intervalli ddeterminati skont il-veloċità li biha jkun għaddej il-prodott. (għal aktar informazzjoni ara l-Parti Ġenerali Metodi tal-Kampjunar il-Kapitolu 2.3
Sfużi < 15-il tunnellata f’vaguni, tankijiet jew containers Kampjun aggregat wieħed: minn kampjuni inkrimentali meħuda f’intervalli regolari waqt li l-konsenja tkun qed tiċċaqlaq (ara Kwantitajiet sfużi li jkunu qegħdin jiġu mċaqilqa) jew minn mill-inqas ħames punti konvenzjonali (għal aktar informazzjoni ara l-Parti Ġenerali Metodi tal-Kampjunar 2.2

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
Sfużi > 15-il tunnellata iżda < 30 tunnellata f’vaguni, tankijiet jew containers Kampjun aggregat wieħed: minn kampjuni inkrimentali meħuda f’intervalli regolari waqt li l-konsenja tkun qed tiċċaqlaq (ara Kwantitajiet sfużi li jkunu qegħdin jiġu mċaqilqa) jew minn mill-inqas tmien punti konvenzjonali (għal aktar informazzjoni ara l-Parti Ġenerali Metodi tal-Kampjunar 2.2

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
Sfużi > 30 tunnellata iżda < 50 tunnellata f’vaguni, tankijiet jew containers Kampjun aggregat wieħed: minn kampjuni inkrimentali meħuda f’intervalli regolari waqt li l-konsenja tkun qed tiċċaqlaq (ara Kwantitajiet sfużi li jkunu qegħdin jiġu mċaqilqa) jew minn mill-inqas ħdax-il punt konvenzjonali (għal aktar informazzjoni ara l-Parti Ġenerali Metodi tal-Kampjunar 2.2

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
Sfużi < 500 tunnellata f’sajlos Kampjun aggregat wieħed: minn kampjuni inkrimentali meħuda f’intervalli regolari waqt li l-konsenja tkun qiegħda titneħħa (ara Kwantitajiet sfużi li jkunu qegħdin jiġu mċaqilqa) jew qed tiġi trasferita f’sajlo ieħor.

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.
Sfużi f’vapur > 500 tunnellata fl-istivi Kampjun aggregat wieħed: minn kampjuni inkrimentali meħuda f’intervalli regolari waqt li l-konsenja tkun qiegħda titneħħa (ara Kwantitajiet sfużi li jkunu qegħdin jiġu mċaqilqa) jew minn mill-inqas ħames punti konvenzjonali (wieħed min-nofs u erbgħa mill-punti ċentrali bejn iċ-ċentru u l-qċaċet).
Sfużi f’vapur > 500 tunnellata f’diversi stivi Kampjun aggregat wieħed għal kull stiva: minn kampjuni inkrimentali meħuda f’intervalli regolari waqt li l-konsenja tkun qiegħda titneħħa (ara Kwantitajiet sfużi li jkunu qegħdin jiġu mċaqilqa) jew minn mill-inqas ħames punti konvenzjonali (Għal aktar informazzjoni ara l-Parti Ġenerali Proċeduri tal-Kampjunar 2.2

Għall-kontroll tal-għalf tal-annimali rreferi għar-Regolament tal-Kummissjoni (KE) Nru 152/2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf.

Informazzjoni dettaljata
Proċedura tal-kampjunar
  • Meta l-prodott ikun ittrasportat sfuż bil-kwantità, it-tagħbija trid titqies bħala sħiħa u l-kampjuni jridu jittieħdu minn kull parti tat-tagħbija.
  • Kampjunar rappreżentattiv: Il-kampjun għandu jirrappreżenta l-konsenja kollha. Il-kampjuni inkrimentali għandhom jittieħdu mil-lott kollu jew waqt il-proċess sħiħ ta’ ħatt. Il-kampjuni inkrimentali jridu jitħalltu tajjeb sabiex jinħoloq il-kampjun aggregat. Kun żgur li l-prodott li tkun qed tieħu kampjun tiegħu ma jinbidilx minħabba l-proċess tal-kampjunar. Għandek tevita l-immaniġġjar (bħall-ventilazzjoni jew l-għarbil) li jista’ jsir biex titnaqqas il-preżenza ta’ trab jew kostitwenti oħrajn (nuħħala, eċċ.).
  • Teħid tal-kampjuni: Jistgħu jintużaw metodi differenti skont kif il-ħabb jiġi ttrasportat jew jinħatt wara t-trasport.
  • Kwantitajiet kbar
    Nota: Għall-ħabb sfuż il-kwantità minima rrakkomandata għal kull kampjun inkrimentali hija 1 kg
    • Sondi orizzontali. Is-sondi jiddaħħlu fit-tagħbija bil-fetħa tħares ’l isfel, imbagħad jiddawru 180˚ u jinħarġu bil-mod sabiex jinġabar kampjun uniformi tas-sezzjoni sħiħa. F’kull lott, il-kampjun għandu jinġabar minn tliet livelli (fuq, fin-nofs, u isfel) u f’punti varji sabiex jiġi żgurat li l-kampjun aggregat ikun rappreżentattiv.
    • Sondi vertikali. Is-sondi vertikali għandhom jiddaħħlu bil-kompartiment(i) fejn jidħol il-kampjun magħluq(in). Meta s-sonda tasal fil-fond meħtieġ, il-kompartimenti għandhom jinfetħu u s-sonda tintlewa sabiex tiżgura li l-kompartimenti jimtlew għalkollox. Agħlaq il-kompartimenti u iġbed is-sonda. F’kull lott, il-kampjun għandu jittieħed f’punti diversi tul is-superfiċe u f’diversi profonditajiet sabiex tkun żgur li l-kampjun aggregat ikun rappreżentattiv.
    • Sondi mekkaniċi: F’ċerti postijiet, in-negozjant jista’ juża sondi bil-vakum kompletament awtomatiċi. Sakemm isiru kontrolli rigward it-tħaddim korrett tas-sonda dawn il-kampjuni inkrimentali jistgħu jkunu aċċettabbli wkoll.
    • Kampjunar tal-ħabb li jkun qed jiġi mċaqlaq: Meta l-qamħ ikun qed jiġi mċaqlaq b’xi magni bħal konvejers jew tagħmir ieħor jista’ jkun hemm valvoli ta’ diverżjoni jew żrieżaq li jippermettu li l-kampjuni jittieħdu f’intervalli regolari mill-massa li tkun qiegħda tiċċaqlaq. Jekk ma jkunx hemm minn dawn jista’ jkun meħtieġ li għal raġuni ta’ saħħa u sikurezza twaqqaf il-fluss u tuża pala jew sassla biex tieħu kampjun minn fuq il-konvejer. F’ċerti każijiet il-kampjuni jistgħu jinġabru billi wieħed jgħaddi pala bil-qiegħ fond (pelican collector) minn naħa għall-oħra tal-fluss ta’ ħabb li jkun għaddej f’intervalli regolari. F’kull każ il-kampjuni għandhom jittieħdu tul il-ħin kollu li l-lott jgħaddi minn quddiem il-punt fejn ikunu qegħdin jinġabru l-kampjuni sabiex tkun żgur li l-kampjun aggregat ikun rappreżentattiv.
  • Boroż/btieti:
    • Ħu kampjuni inkrimentali (kull darba li s-sonda tiddaħħal fil-borża) b’mod aleatorju minn mill-inqas żewġ boroż, minn mill-inqas tliet punti konvenzjonali (wieħed fuq, wieħed fin-nofs u wieħed fil-qiegħ). Il-kampjun aggregat għandu jkun magħmul mill-kampjuni kollha miġbura flimkien.
  • Tqassim tal-kampjun: Id-daqs ta’ kampjun aggregat jista’ jkun ta’ aktar minn 100 kg. Għalhekk jeħtieġ li dan jitnaqqas sabiex jinkisbu l-kampjuni finali. Jekk jogħġbok irreferi għas-Sistema ta’ tqassim tal-kampjuni.
    • Metodu ta’ qsim f’erba’ partijiet: Il-kampjun aggregat għandu jinġabar f’munzell fuq superfiċe dritta u nadifa u mbagħad jitferrex f’saff ta’ ħxuna uniformi (madwar 10 cm) u wara jinqasam f’erba’ partijiet permezz ta’ separatur (gwarniċ jew għodda b’erba’ twavel imwaħħla f’angolu rett li jista’ jingħafas ’l isfel ġos-saff). Iż-żewġ kwarti opposti għandhom jitneħħew (filwaqt li tiżgura li t-trab u frak żgħir ieħor jitneħħa kull darba). Dan il-proċess għandu jkun ripetut sakemm il-kwarti li jifdal ikunu ta’ daqs xieraq biex isiru l-kampjuni finali. Il-kampjuni finali għandhom jinkludu kwalunkwe trab jew frak żgħir li jifdal.
    • Separaturi mekkaniċi: Meta jkunu disponibbli għandhom jintużaw separaturi tat-tip Boerner jew b’diversi slotts (tat-tip Riffle). Bħal fil-każ tal-metodu tal-qsim f’erba’ partijiet, il-kampjun aggregat għandu jitnaqqas sakemm il-kwantità li jkun fadal tkun biżżejjed biex tifforma l-kampjuni finali.
  • Ippakkjar tal-kampjuni: Il-kampjuni finali għandhom ikunu mill-inqas 0.5 kg (jew 1 kg meta jkunu qed jiġu stabbiliti) kull wieħed u għandhom ikunu ssiġillati sabiex jiġi evitat kull telf ta’ ndewwa.
  • Għal aktar informazzjoni rreferi għall-Istandards tal-ISO u r-Regolamenti tal-UE fis-seħħ.
Formola għall-kampjunar
  • Imla l-formola għall-kampjunar. Kopja għandha tkun mehmuża mal-kampjuni u oħra għandha tinżamm fir-reġistri.
Trasport
  • Il-kampjuni għandhom jinżammu f’temperatura ambjentali f’post xott u vventilat tajjeb. Għandhom ikunu protetti mid-dawl u mill-irwejjaħ, sabiex jiġu evitati l-kontaminazzjoni, il-formazzjoni mikrobijoloġika jew sitwazzjonijiet oħrajn li jistgħu jagħmlu ħsara lill-kampjun.
Ħażna
  • Il-kampjuni għandhom jinżammu f’temperatura ambjentali f’post xott u vventilat tajjeb. Għandhom ikunu protetti mid-dawl u mill-irwejjaħ, sabiex jiġu evitati l-kontaminazzjoni, il-formazzjoni mikrobijoloġika jew sitwazzjonijiet oħrajn li jistgħu jagħmlu ħsara lill-kampjun.
  • Il-kampjuni li jkunu se jiġu ttestjati għall-kontenut ta’ ndewwa, jew meta l-kontenut ta’ ndewwa jista’ jaffettwa l-analiżi għandhom ikunu ppakkjati f’kontenituri li ma jħallu la ndewwa u lanqas arja tgħaddi minnhom. Il-kontenitur għandu jimtela kompletament u mbagħad jiġi ssiġillat biex ma jkunx hemm bidla fil-kontenut ta’ ndewwa.

Il-qamħ mhux ippakkjat (espandi l-lista)
In-Numru tal-HS Id-Deskrizzjoni


Ir-Reviżjonijiet
Il-Verżjoni Id-Data Il-Bidliet
1.0 12.10.2012 L-ewwel verżjoni
1.1 30.01.2020 Bidla fl-iskeda tat-titlu; modifiki fit-test u fil-lista tan-numri tas-SA