Kampjunar: L-oġġetti tal-ikel, likwidi, viskożità għolja

Navigazzjoni

L-oġġetti tal-ikel, likwidi, viskożità għolja (ikkompressa l-lista)
*In-Numru tal-HS^)**	Id-Deskrizzjoni
0409	Għasel naturali.
1302	Linfa u estratti veġetali; sustanzi tal-pektin, pektinati u pektati; agar-agar u muċilaġni u materjali oħrajn li jgħaqqdu, kemm jekk modifikati kif ukoll jekk le, li ġejjin minn prodotti veġetali.
1501	Xaħam tal-majjal (inkluż lardu) u xaħam tat-tjur, minbarra dak tal-intestatura 0209 jew 1503.
1502	Xaħmijiet ta’ annimali bovini, nagħaġ jew mogħoż, minbarra dawk tal-intestatura 1503.
1503	Lard stearin, lard oil, oleostearin, oleo-oil and tallow oil, not emulsified or mixed or otherwise prepared.
1504	Xaħmijiet u żjut u l-frazzjonijiet tagħhom, ta’ ħut jew mammiferi tal-baħar, kemm jekk raffinati kif ukoll jekk le, iżda mhux modifikati kimikament
1505	Xaħam tas-suf u sustanzi xaħmija li ġejjin minnhom (inkluża l-lanolina).
1507	Żejt tas-sojja u l-frazzjonijiet tiegħu, kemm jekk raffinati kif ukoll jekk le, iżda mhux modifikati kimikament
1508	Żejt tal-karawett mitħun u l-frazzjonijiet tiegħu, kemm jekk raffinat kif ukoll jekk le, iżda mhux modifikat kimikament
1509	Żejt taż-żebbuġa u l-frazzjonijiet tiegħu, kemm jekk raffinati kif ukoll jekk le, iżda mhux modifikati kimikament.
1510	Żjut oħrajn u l-frazzjonijiet tagħhom, miksuba biss miż-żebbuġ, kemm jekk raffinati kif ukoll jekk le, iżda mhux modifikati kimikament, inklużi taħlitiet ta’ dawn iż-żjut jew ta’ frazzjonijiet ma’ żjut jew frazzjonijiet tal-intestatura 1509
1511	Żejt tal-palm u l-frazzjonijiet tiegħu, kemm jekk raffinati kif ukoll jekk le, iżda mhux modifikati kimikament
1512	Żejt taż-żerriegħa tal-ġirasol, tal-għosfor jew taż-żerriegħa tal-qoton u l-frazzjonijiet tagħhom, kemm jekk raffinati kif ukoll jekk le, iżda mhux modifikati kimikament
1513	Żejt tal-ġewża tal-Indi (copra), tal-qlub tal-palm jew żejt babassu u l-frazzjonijiet tagħhom, kemm jekk raffinati kif ukoll jekk le, iżda mhux modifikati kimikament
1514	Żejt tal-lift, tal-kolza jew tal-mustarda u l-frazzjonijiet tagħhom, kemm jekk raffinati kif ukoll jekk le, iżda mhux modifikati kimikament
1515	Żjut u xaħmijiet veġetali oħrajn fissi (inkluż żejt tal-ġoġoba) u l-frazzjonijiet tagħhom, kemm jekk raffinati kif ukoll jekk le, iżda mhux modifikati kimikament
1516	Żjut u xaħmijiet tal-annimali u veġetali u l-frazzjonijiet tagħhom, parzjalment jew totalment idroġenati, interesterifikati, riesterifikati jew elajdinizzati, kemm jekk raffinati kif ukoll jekk le, iżda mhux ippreparati aktar.
1517	Marġerina; taħlitiet jew preparazzjonijiet li jittieklu ta’ xaħmijiet jew żjut tal-annimali jew veġetali jew ta’ frazzjonijiet ta’ diversi xaħmijiet u żjut ta’ dan il-kapitolu, minbarra x-xaħmijiet u ż-żjut li jittieklu u l-frazzjonijiet tagħhom tal-intestatura 1516.
1518	Żjut u xaħmijiet tal-annimali u veġetali u l-frazzjonijiet tagħhom, mgħollija, ossidati, deidratati, kubritizzati, imneffħa, polimerizzati bis-sħana f’vakwu jew f’gass inerti jew immodifikati kimikament b’mod ieħor, minbarra dawk tal-intestatura 1516; taħlitiet jew preparazzjonijiet li ma jittiklux ta’ xaħmijiet u żjut tal-annimali jew veġetali jew ta’ frazzjonijiet ta’ diversi xaħmijiet u żjut ta’ dan il-kapitolu, mhux speċifikati jew inklużi band’oħra
1520	Gliċerol, mhux raffinat; ilmijiet tal-gliċerol u lissiji tal-gliċerol
1522	Degras; fdalijiet li jirriżultaw mit-trattament ta’ sustanzi xaħmija jew xema’ tal-annimali jew veġetali
1703	Għasel iswed miksub mill-estrazzjoni jew mir-raffinar taz-zokkor.
1704	Ħelu taz-zokkor (inkluża ċikkulata bajda), li ma fihx kawkaw.
1803	Pejst tal-kawkaw, kemm jekk mingħajr xaħam kif ukoll jekk le.
1804	Butir, xaħam u żejt tal-kawkaw.
1806	Ċikkulata u preparazzjonijiet tal-ikel oħrajn li fihom il-kawkaw.
1901	Estratt tax-xgħir; preparazzjonijiet tal-ikel tad-dqiq, ħafur, pasta, lamtu jew estratt tax-xgħir, li ma fihomx kawkaw jew fihom inqas minn 40% tal-piż kawkaw ikkalkulat fuq bażi totalment bla xaħam, mhux speċifikati jew inklużi band’oħra; preparazzjonijiet tal-ikel tal-oġġetti tal-intestaturi 0401 sa 0404, li ma fihomx kawkaw jew li fihom inqas minn 5% bil-piż ta’ kawkaw ikkalkulati fuq bażi totalment bla xaħam, mhux speċifikati jew inklużi band’oħra
2002	Tadam ippreparat jew ippreservat mod ieħor minbarra bil-ħall jew bl-aċidu aċetiku.
2005	Ħaxix ieħor ippreparat jew ippreservat mod ieħor minbarra bil-ħall jew bl-aċidu aċetiku, mhux iffriżat, minbarra l-prodotti tal-intestatura 2006
2007	Ġammijiet, ġeli tal-frott, marmellati, puré tal-frott jew tal-ġewż u pejsts tal-frott jew tal-ġewż, miksuba permezz tat-tisjir, kemm jekk fihom zokkor miżjud jew materjal ieħor ta’ ħlewwa kif ukoll jekk le.
2008	Frott, ġewż u partijiet oħrajn ta’ pjanti li jittieklu, ippreparati jew ippreservati mod ieħor, kemm jekk fihom zokkor miżjud jew materjal ieħor ta’ ħlewwa jew spirtu kif ukoll jekk le, mhux speċifikati jew inklużi band’oħra
2102	Ħmira (attiva jew mhux attiva); mikroorganiżmi oħrajn b’ċellola waħda, mejta (iżda li ma jinkludux il-vaċċini tal-intestatura 3002); trabijiet tal-ħami ppreparati.
2103	Zlazi u preparazzjonijiet tagħhom; kondimenti mħalltin u ħwawar imħallta; dqiq tal-mustarda u tal-pasta u mustarda ppreparata.
2106	Preparazzjonijiet tal-ikel mhux speċifikati jew inklużi band’oħra.

^*) Il-komoditajiet imsemmija hawn taħt jistgħu jkunu koperti minn skedi tat-teħid ta’ kampjuni speċifiċi oħrajn skont in-natura eżatta tal-prodott.

L-oġġetti tal-ikel, likwidi, viskożità għolja
Il-kwantità minima rrakkomandata għal kull kampjun	0.5 L jew 0.5 Kg
L-istandards applikabbli (ISO u Normi tal-UE) u l-leġiżlazzjoni rilevanti	EN ISO 5555: Xaħmijiet u żjut tal-annimali u veġetali. It-teħid ta’ kampjuni. ISO 11648-1: Aspetti statistiċi tat-teħid tal-kampjuni minn materjal f’massa. ISO 11648-2: Aspetti statistiċi tat-teħid tal-kampjuni minn materjal f’massa. Regolament tal-Kummissjoni (KE) Nru 951/2006 li jistabbilixxi regoli ddettaljati għall-implimentazzjoni tar-Regolament tal-Kunsill (KE) Nru 318/2006 dwar il-kummerċ ma’ pajjiżi terzi fis-settur taz-zokkor. Regolament tal-Kummissjoni (KE) Nru 1276/2008 tas-17 ta’ Diċembru 2008 dwar il-monitoraġġ permezz ta’ verifiki fiżiċi tal-esportazzjoni ta’ prodotti agrikoli li qegħdin jirċievu rifużjonijiet jew somom oħra.

It-tagħmir meħtieġ
L-għodda ssuġġerita għat-teħid tal-kampjuni skont il-metodu użat	Sassla għat-teħid tal-kampjuni (L04-01) Għodda għat-teħid tal-kampjuni bil-pistun (L05-01) Kazzola għat-teħid tal-kampjuni (S03-01) Għodda għat-teħid tal-kampjuni f’għamla ta’ trabuxù (S04-01) Għodda għat-teħid ta’ kampjuni ta’ ikel iffriżat (E01-01) Għodda għat-teħid ta’ kampjuni f’għamla ta’ trapan żgħir (E02-01) Kontenitur għat-taħlit. Lembut. Għodda ġenerali: sikkina, kuċċarun, eċċ. Ram u ligi tar-ram m’għandhomx jintużaw.
Il-kontenituri li għandhom jintużaw għat-teħid tal-kampjuni	Fliexken tal-ħġieġ (G01) Kontenituri tal-metall (M01) Fliexken tal-plastik, b’għonq wiesgħa, tad-daqs 500–1 000 ml (P03, P04), preferibbilment mhux trasparenti. Il-kontenituri kollha għandhom ikunu adattati għall-ikel inklużi prodotti aċidużi ħafna.
Il-prekawzjonijiet ta’ sigurtà u l-valutazzjoni tar-riskju	Jekk jogħġbok irreferi għal-leġiżlazzjoni nazzjonali tiegħek u l-linji gwida nazzjonali tiegħek dwar is-saħħa u s-sigurtà. Għandek tispezzjona l-prodott qabel tieħu kampjun tiegħu sabiex tivvaluta jekk hemmx oġġetti perikolużi u sabiex tagħti ċans sakemm tinġabar l-MSDS jew l-ADR meħtieġa jekk din tkun disponibbli. Taħt kundizzjonijiet normali l-oġġetti tal-ikel ma joħolqux perikli partikolari għas-saħħa. Oqgħod attent għal xi tikketti ta’ sigurtà. Il-prodotti ta’ oriġini veġetali jistgħu jkunu infestati b’xi sustanzi li jagħmlu ħsara lis-saħħa tal-bniedem. Ilbes ingwanti protettivi u żarbun tas-sigurtà. Ilbes ġagaga li tintrema wara l-użu u elmu tas-sigurtà jew tagħmir ta’ protezzjoni għal widnejk (meta jkunu meħtieġa). Ma tistax tiekol, tixrob jew tpejjep waqt it-teħid tal-kampjuni. Għandek tilbes ħwejjeġ nodfa sabiex tnaqqas ir-riskju li tikkontamina aċċidentalment il-kampjun. Dejjem ħu miżuri ta’ iġjene biex tevita l-kontaminazzjoni. Għandek taħsel idejk qabel tieħu xi kampjun. Għandek tkun konxju dwar u ssegwi kwalunkwe struzzjoni dwar is-saħħa u s-sigurtà fil-valutazzjoni tar-riskju lokali u/jew il-prattiki ta’ ħidma mingħajr periklu għall-post fejn ikun ser jittieħed il-kampjun. Kwalunkwe xogħol li jesponi lill-ħaddiema għar-riskju li jaqgħu mill-għoli għal fuq art stabbli jitqies bħala ‘xogħol fl-għoli’. Għandu jingħata taħriġ u jiġi pprovdut it-tagħmir ta’ protezzjoni xieraq. Is-slielem, il-banketti, il-pjattaformi u l-poġġamani għandhom jinżammu f’kundizzjoni strutturali sigura u jiġu spezzjonati b’mod regolari minn persunal kompetenti. Jekk it-teħid tal-kampjuni jkun jeħtieġ li tidħol fi spazju fuq nett ta’ xi tank, għandhom ikunu preżenti mill-inqas żewġ persuni mgħammra b’tagħmir ta’ protezzjoni personali xieraq. Ġeneralment, dawn il-prodotti jkunu materjal b’riskju baxx ħafna li jieħdu n-nar.

Il-pjan għat-teħid tal-kampjuni
It-tip ta’ kunsinna	Id-deskrizzjoni
Kunsinni għall-approvazzjoni mid-dwana	Il-kampjun aggregat jikkonsisti minn numru xieraq ta’ kampjuni inkrementali. Kampjun wieħed normalment jitqies li jirrappreżenta l-oġġetti koperti mill-istess dikjarazzjoni tad-dwana.
Kunsinni għall-PAK (rifużjonijiet ta’ esportazzjoni) jew il-kontroll tas-sisa	Il-kampjun aggregat jikkonsisti f’numru xieraq ta’ kampjuni inkrementali. L-għadd minimu ta’ kampjuni inkrementali huwa deskritt hawn taħt. Jekk il-kunsinna tkun tikkonsisti f’oġġetti li jkunu ġejjin minn linja ta’ produzzjoni waħda (in-numru tal-lott ikun identiku) jistgħu jittieħdu inqas kampjuni.
Tankijiet weqfin fuq l-art, tankijiet mimdudin fuq l-art, tankijiet fuq bastimenti, vaguni jew karozzi f’forma likwida jew f’pejst	Kampjun aggregat wieħed jew aktar: minn mill-inqas tliet punti konvenzjonali (min-naħa ta’ fuq, tan-nofs u t’isfel) f’kull lott jew f’intervalli stabbiliti waqt il-ħatt. Jekk il-prodott ikun fil-forma ta’ pejst kremuż jew pejst iebes, ħu mill-inqas ħames kampjuni inkrementali (wieħed fin-nofs u erbgħa fin-nofs ta’ bejn iċ-ċentru u l-quċċati) f’kull lott. Iċċekkja l-omoġeneità tal-lott; jekk għandek xi dubju dwar l-omoġeneità tiegħu, ħu aktar kampjuni inkrementali. Aktar kampjuni aggregati jistgħu jinħolqu minn kontenituri li jkun fihom prodotti jew lottijiet differenti.
Pakketti, btieti, ċilindri, kaxxi, bottijiet, boroż u fliexken żgħar	Kampjun aggregat wieħed jew aktar: għandek tagħżel għadd adattat ta’ unitajiet kompletament b’mod każwali jew b’mod sistematiku mill-kunsinna. Jistgħu jinħolqu aktar kampjuni aggregati minn kontenituri li jkun fihom prodotti jew lottijiet differenti.
Massa li tkun qiegħda titmexxa b’konvejer jew fluss ta’ prodott ieħor waqt il-mili jew it-tbattil	Kampjun aggregat wieħed: minn kampjuni inkrementali tul il-wisgħa kollha tal-fluss, b’intervalli ddeterminati skont il-veloċità li biha jkun għaddej il-prodott.
Oġġetti tal-ikel likwidi b’viskożità għolja ffriżati fi btieti u f’boroż	Kampjun aggregat wieħed jew aktar: minn mill-inqas tliet punti differenti (minn fuq, min-nofs u mill-qiegħ jekk ikun possibbli) f’kull lott tal-kunsinna. Iċċekkja l-omoġeneità tal-lott; jekk għandek xi dubju dwar l-omoġeneità tiegħu, ħu diversi kampjuni inkrementali. Jistgħu jinħolqu aktar kampjuni aggregati minn kontenituri li jkun fihom prodotti jew lottijiet differenti.

L-informazzjoni ddettaljata
Il-proċedura għat-teħid tal-kampjuni	Meta l-prodott ikun ittrasportat mhux f’pakketti u f’massa, tit-tagħbija għandha titqies bħala ħaġa sħiħa u l-kampjuni għandhom jittieħdu minn kull parti tat-tagħbija. Il-kampjuni jittieħdu wara t-tagħbija jew qabel it-tbattil. Jista’ jintuża kampjun minn kull livell, kampjun ġieri, kampjun minn fuq, min-nofs u minn isfel, jew kampjun minn post partikolari f’livelli miftiehma għat-teħid ta’ kampjuni. Issaħħanx il-kampjuni. Il-kampjun rappreżentattiv: il-kampjun għandu jirrappreżenta l-kunsinna kollha. Għandhom jittieħdu kampjuni inkrementali tul il-lott kollu jew tul il-proċess kollu ta’ tbattil. Il-kampjuni inkrementali għandhom jitħalltu tajjeb sabiex joħolqu l-kampjun aggregat. Kun żgur li l-prodott li tiegħu tkun qed tieħu kampjun ma jinbidilx bil-proċess tat-teħid tal-kampjuni. It-teħid ta’ kampjuni: jistgħu jintużaw metodi differenti skont kif il-likwidi b’viskożità għolja jiġu ttrasportati jew imbattla wara t-trasport. Għal prodotti f’massa fi stat semisolidu f’temperaturi ambjentali, jekk il-prodott ikun f’għamla ta’ pejst kremuż, uża taqqab jew tazza għat-teħid tal-kampjuni sabiex tieħu diversi biċċiet għall-ittestjar minn diversi pożizzjonijiet u fondijiet fil-massa, sabiex tkun ċert li l-kampjun ikun kemm jista’ jkun rappreżentattiv. Wara li tieħu l-kampjuni mill-massa, ħejji l-kampjun kompost fil-barmil tal-metall billi tħawwad tajjeb bl-ispatula tal-metall u ppakkja l-kampjuni f’laned jew tankijiet tal-metall. Jekk il-prodott ikun f’għamla ta’ pejst iebes, uża taqqab biex tieħu diversi kampjuni f’diversi pożizzjonijiet u fondijiet fil-massa, sabiex tkun ċert li l-kampjun ikun kemm jista’ jkun rappreżentattiv. Wara li tieħu l-kampjuni mill-massa, ħejji l-kampjun kompost f’barmil adattat billi tkisser u tħawwad il-qlub tal-prodott bl-ispatula tal-metall u ppakkja l-kampjuni f’kontenituri xierqa. Għall-prodotti li jkunu qegħdin jiġu mċaqalqa b’konvejer jew flussi ta’ prodotti waqt il-mili jew it-tbattil ta’ xi tank, bawżer jew ġibjun ta’ vagun huwa possibbli li tieħu kampjun billi tqabbad pajp tal-mili/tat-tbattil. Għandek tieħu diversi kampjuni f’intervalli regolari tul il-proċess kollu ta’ trasferiment. Wara li tieħu l-kampjuni, ipprepara malajr il-kampjun kompost f’barmil tal-metall adattat billi tħawwad tajjeb u ppakkja l-kampjuni f’kontenituri xierqa. Għal oġġetti tal-ikel likwidi ffriżati ġol-btieti u ġol-boroż uża apparat tal-istainless steel jew li jiflaħ għall-korrużjoni eż. apparat għat-teħid ta’ kampjuni ta’ ikel iffriżat (E01-01).
Il-formola għat-teħid tal-kampjuni	Imla l-formola għat-teħid tal-kampjuni. Kopja għandha tkun mehmuża mal-kampjuni u oħra għandha tinżamm fir-reġistri.
It-trasport	Il-kampjuni għandhom jinżammu f’post xott u mperreċ. Għandek tipproteġihom mid-dawl u mill-irwejjaħ sabiex tevita l-kontaminazzjoni, formazzjonijiet mikrobijoloġiċi jew sitwazzjonijiet oħrajn li jagħmlu ħsara lill-kampjun. Jekk ikun meħtieġ żommhom imkessħin. Il-katina ta’ tkessiħ għandha tinżamm u għandha tkun irreġistrata. Oġġetti ffriżati bħal konċentrati ta’ ħxejjex u frott jintbagħtu l-laboratorju f’pakketti insulati. Il-kampjuni ta’ meraq tal-frott u tal-ħxejjex għandhom jinżammu ffriżati sakemm isir l-eżami fil-laboratorju. Il-katina ta’ tkessiħ għandha tinżamm u għandha tkun irreġistrata.
Il-ħażna	Il-kampjuni għandhom jinżammu f’post xott u mperreċ. Għandek tipproteġihom mid-dawl u mill-irwejjaħ sabiex tevita l-kontaminazzjoni, formazzjonijiet mikrobijoloġiċi jew sitwazzjonijiet oħrajn li jagħmlu ħsara lill-kampjun. Jekk ikun meħtieġ żommhom imkessħin. Il-katina ta’ tkessiħ għandha tinżamm u għandha tkun irreġistrata. Il-prodotti ffriżati għandhom jinħażnu fi friża. Il-katina ta’ tkessiħ għandha tinżamm u għandha tiġi rreġistrata. Il-kampjuni li jkunu sejrin jiġu ttestjati għall-kontenut ta’ umdità jew meta l-kontenut ta’ umdità jista’ jaffettwa l-analiżi għandhom ikunu ppakkjati f’kontenituri mitbuqa sew li ma jħallux arja tgħaddi minnhom. Il-kontenitur għandu jkun kważi mimli sa fuq, u mbagħad issiġillat sabiex tevita kwalunkwe bidla fil-kontenut ta’ umdità.

Ir-Reviżjonijiet
Il-Verżjoni	Id-Data	Il-Bidliet
1.0	12.10.2012	L-ewwel verżjoni
1.0.1	30.03.2019	Update - Recommended minimum quantity for each sample is changed

L-oġġetti tal-ikel, likwidi, viskożità għolja (espandi l-lista )
In-Numru tal-HS	Id-Deskrizzjoni

Navigazzjoni

L-oġġetti tal-ikel, likwidi, viskożità għoljaKampjunar

L-oġġetti tal-ikel, likwidi, viskożità għolja
Kampjunar