1. L-Introduzzjoni
Kif rajna
fl-introduzzjoni tal-principji ġenerali, hemm bosta kategoriji ta’ sustanzi perikolużi, u hemm liġijiet li jirregolaw it-tikkettar, l-ippakkjar, il-ħażna u t-trasport ta’ dan il-materjal kollu.
L-oġġetti leġittimi għandhom jikkonformaw ma’ dawn ir-regoli kollha u għandek tirċievi kopja tal-iskeda tad-dejta dwar is-sigurtà tal-materjal jekk ikollok tispezzjona u tieħu kampjuni ta’ oġġetti bħal dawn.
Madankollu, tista’ ssib ruħek quddiem oġġetti ddikjarati ħażin jew illegali. Huwa importanti li tifhem il-perikli u li tieħu l-prekawzjonijiet xierqa.
2. X’inhi sustanza perikoluża?
Biex ngħinuk tifhem xi tfisser ‘sustanza perikoluża’, sejrin nispjegaw kull kelma b’mod separat.
Sustanzi ‘perikolużi’ normalment ikunu kklassifikati u tikkettati b’mod li jaqgħu taħt wieħed minn dawn il-gruppi li ġejjin:
- tossika;
- tossika ħafna;
- korrużiva;
- dannuża;
- irritanti;
- sustanza ossidanti;
- taqbad b’mod spontanju;
- taqbad
- splussiva;
- karċinoġenika;
- ta’ ħsara għall-ambjent;
- perikoluża meta tixxarrab;
- radjuattiva.
‘Sustanza’ tista’ tinkludi kwalunkwe wieħed minn dawn li ġejjin:
- gassijiet;
- fwar;
- trabijiet;
- mikroorganiżmi;
- likwidi;
- solidi;
- dħaħen;
- raxx.
Mela sustanza perikoluża tista’ tkun kwalunkwe ħaġa li tista’ tikkawża korriment jew ħsara lill-persuni u/jew lil xi proprjetà.
3. Kif inkun naf li sustanza hija perikoluża?
Normalment, biex ikunu konformi mal-leġiżlazzjoni nazzjonali u Ewropea, is-sustanzi kimiċi perikolużi kollha għandu jkollhom tikketta xi mkien fuq il-pakkett. It-tikketta tkun tinkludi sinjal simili għal xi wieħed minn dawk li jidhru
hawnhekk u d-dettalji kollha tar-riskji assoċjati mal-prodott u l-prekawzjonijiet meħtieġa għall-immaniġġjar tagħha. L-frażijiet H u P huma murija
hawnhekk.
INTI GĦANDEK DEJJEM TAQRA T-TIKKETTA U SSEGWI L-GWIDA.
Oġġetti li huma ippakjati u ittikketjati tajjeb jistgħu jiġu identifikati immedjatament. Jekk tiltaqa’ ma’ xi tip ta’ sustanza li ma tistax tidentifikaha, qatt tassumi li hija sigura.
Tinsiex: ċerti tipi ta’ sustanzi perikolużi ma jkunux viżibbli għal għajnejn il-bniedem (eż. gassijiet, dħaħen u mikroorganiżmi).4. X’jiġri jekk inkun ġejt espost għal sustanza perikoluża?
Jekk taħseb li ġejt espost għal xi sustanza perikoluża waqt ix-xogħol tiegħek, għandek tfittex għajnuna medika/parir mediku minnufih u tgħid lill-maniġer tiegħek.
Jista’ jkun meħtieġ li tirrapporta l-inċident lil ħaddieħor sabiex tipprevjeni aktar espożizzjoni.
