Il-Kontenituri għat-Teħid tal-Kampjuni

Meta l-oġġetti jkunu fil-pakketti għall-bejgħ bl-imnut, dejjem għandek tieħu pakketti sħaħ bħala kampjun. Tista’ tieħu aktar minn pakkett wieħed jekk ikun hemm bżonn biex tilħaq id-daqs minimu tal-kampjun.

Meta l-oġġetti jkunu f’biċċiet (eż. injam, ikkastjar jew folji tal-metall) ġeneralment għandek tieħu biċċiet sħaħ.

Madankollu, fil-każ ta’ oġġetti li jkunu f’massa jew f’pakketti bl-ingrossa normalment ikollok tieħu kampjuni iżgħar. Huwa importanti li tuża t-tip adattat ta’ kontenitur biex taħżen l-oġġetti fih.

It-tip ta’ kontenitur li għandek tuża għall-ħażna u t-trasport tal-kampjuni huwa ddeterminat mill-proprjetajiet fiżiċi u kimiċi tal-oġġetti u r-rekwiżiti ta’ ħażna u ta’ trasport.

Il-kontenitur użat għall-ippakkjar tal-kampjun li tieħu għandu jkun jissodisfa r-rekwiżiti li ġejjin:

• m’għandux ikun affettwat mill-kampjun (importanti b’mod speċjali għall-kampjuni ta’ sustanzi kimiċi, prodotti taż-żejt, solventi, oġġetti tal-ikel — li jistgħu jkunu aċidużi, eċċ.);
• għandu jassigura li tinżamm il-kwalità (l-integrità) tal-kampjuni;
• għandu jkun iddisinjat u mmanifatturat b’mod li ma jippermettix ħruġ ta’ likwidu u jkun jingħalaq sew;
• għandu jkun b’saħħtu biżżejjed biex ikun jiflaħ għat-trasport u l-ħażna;
• għandu jkun iddisinjat b’mod li jkun jista’ jiġi ssiġillat tajjeb u ma jintmissx minn min mhux awtorizzat.

Meta tagħżel il-kontenituri għall-kampjuni għandek issegwi l-prinċipji elenkati fit-Tabella 1.

It-tappijiet u l-għotjien li tuża biex tagħlaq il-kontenituri tal-kampjuni (fliexken/kontenituri) għandhom ikunu jingħalqu tajjeb biex ma jkunx hemm ħruġ jew evaporazzjoni tal-kampjuni. Il-materjal li minnu jkunu magħmula l-kontenituri u t-tappijiet għandu jkun reżistenti għall-attakki mill-kimiċi tal-kampjuni u m’għandux jinteraġixxi magħhom jew jikkontaminhom.

Skont in-natura tal-kampjuni li jittieħdu, jistgħu jintużaw tappijiet tas-sufra, tappijiet bis-snien, tappijiet bil-kamin tal-plastik jew tal-metall rinforzati ulterjorament biex jingħalqu aħjar. Jekk jintużaw tappijiet tas-sufra, dawn għandhom jitkebbu fil-polyethylene qabel tagħlaq bihom. Ma tistax tuża tappijiet tal-lastku.

L-aktar kontenituri li jintużaw għall-kampjuni huma l-kontenituri tal-plastik jew tal-metall, fliexken tal-ħġieġ, bottijiet tal-metall u boroż jew kaxex tal-plastik (ara t-Tabella 2). Id-disinn tal-kontenituri tal-kampjuni jistgħu jvarjaw fi Stati Membri differenti. Il-lista’ ta’ kontenituri għall-kampjuni għaldaqstant mhijiex eżawrjenti u jistgħu jintużaw tipi oħrajn ta’ pakketti diment li dawn ikunu jissodisfaw ir-rekwiżiti kollha.

Tabella 1

It-tip ta’ oġġett	Ir-rekwiżiti għall-kontenitur
Oġġetti li għandhom ikunu eżaminati għall-kontenut ta’ umdità jew ta’ xaħam	Il-kontenitur m’għandux ikun jassorbi umdità jew xaħam.
Oġġetti li jitħassru, iffriżati, u mkessħa	Il-kontenitur m’għandux ikun affettwat minn temperaturi baxxi.
Oġġetti li fihom komponenti li jiżvintaw	It-tapp jew l-għatu għandu jkun jingħalaq b’mod li ma tgħaddix arja minnu.
Oġġetti likwidi, li jistgħu jiffermentaw	Il-kontenitur għandu jingħalaq b’tapp jew għatu bil-kamin. Il-kampjuni ta’ meraq tal-frott jew ta’ meraq li ġej mill-pjanti għandhom ikunu ffriżati minnufih u jinżammu ffriżati sakemm jiġu analizzati. Il-likwidi l-oħrajn kollha li jistgħu jiffermentaw għandhom jitħalltu ma’ 2 g ta’ aċidu saliċiliku għal kull litru ta’ kampjun jew xi sustanza oħra li twaqqaf il-fermentazzjoni.

Tabella 2

In-Nru	It-tip ta’ oġġett	Il-kontenitur rakkomandat
1	Prodotti taż-żejt — karburanti likwidi, lubrikanti	Kontenituri tal-metall Fliexken tal-ħġieġ Fliexken tal-polypropylene (PP) Fliexken tal-polyethylene terephthalate (PET)
2	Solventi organiċi	Kontenituri tal-metall Fliexken tal-ħġieġ Fliexken tal-polypropylene (PP) Fliexken tal-polyethylene terephthalate (PET)
3	Żjut u xaħmijiet likwidi mill-ħxejjex	Kontenituri tal-metall Fliexken tal-ħġieġ Fliexken tal-polypropylene (PP) Fliexken tal-polyethylene terephthalate (PET)
4	Tipi differenti ta’ sustanzi kimiċi	Kontenituri tal-metall Fliexken tal-ħġieġ Fliexken tal-polypropylene (PP) Fliexken tal-polyethylene terephthalate (PET)
5	Prodotti tal-ikel	Boroż tal-karti. Boroż, fliexken, eċċ. tal-polyethylene (PE) u tal-polypropylene (PP) Vażetti tal-ħġieġ
6	Spirti u alkoħol etiliku	Fliexken tal-ħġieġ Fliexken tal-polypropylene (PP) Fliexken tal-polyethylene terephthalate (PET)

Il-kodiċi	Tip ta’ Kontenitur	Adattat għal
P00	Boroż tal-plastik Qisien differenti Bit-tikketta stampata minn qabel jew mingħajrha Ikklikkja biex tkabbar l-istampa	Oġġetti fil-forma ta’ biċċiet bħal madum, injam, karti, tessut, folji tal-metall, oġġetti varji, eċċ. oġġetti fil-pakketti tagħhom għall-bejgħ bl-imnut tabakk frott imnixxef dqiq ramel zokkor lamtu
P01	Flixkun tal-plastik Bokka dejqa Qies normali 100 ml sa 500 ml Għatu li ma jqattarx Ikklikkja biex tkabbar l-istampa	Likwidi li ma jiżvintawx, bħal: prodotti taż-żejt, bħal pitrolju, diżil, żjut għat-tisħin jew lubrikanti, minbarra gażolina metil esteri xaħmin (FAME) u taħlitiet ta’ FAME ma’ żjut minerali żjut veġetali meraq u xiroppi xorb mhux alkoħoliku aġenti u preparazzjonijiet tensjoattivi kimiċi li ma jiżvintawx u preparazzjonijiet kimiċi
P02	Flixkun tal-plastik Bokka dejqa Qies normali 50 ml sa 100 ml Għatu li ma jqattarx Ikklikkja biex tkabbar l-istampa	Oġġetti ta’ valur għoli, bħal: biċċiet ta’ metall prezzjuż djamanti kimiċi puri ħwawar laqx jew frammenti tal-metall
P03	Flixkun tal-plastik Bokka wiesgħa Qies normali 100 ml sa 500 ml Għatu li ma jqattarx Ikklikkja biex tkabbar l-istampa	Materjal f’għamla ta’ trab jew frak jew pejsts, bħal: griż lubrikanti Vażelina ramel zokkor lamtu xorb istantanju weraq tat-te mfarrak żjut u xaħmijiet veġetali ssolidifikati tabakk
P04	Flixkun tal-plastik Bokka wiesgħa Qies normali 500 ml sa 1 000 ml Għatu li ma jqattarx Ikklikkja biex tkabbar l-istampa	Materjal f’għamla ta’ trab jew pejsts, bħal: frott niexef dqiq żebgħa u verniċ
P05	Flixkun tal-plastik Qies żgħir 50 ml sa 100 ml Għatu li ma jqattarx Ikklikkja biex tkabbar l-istampa	Likwidi ta’ valur għoli li jiżvintaw, bħal: oġġetti tal-ikel aromatiċi supplimenti tal-ikel fwejjaħ, kożmetiċi, essenzi, eċċ. materjal sensittiv għad-dawl (merfugħ f’kontenituri skuri)
P06	Flixkun tal-plastik Qies żgħir 100 ml sa 500 ml Għatu li ma jqattarx Ikklikkja biex tkabbar l-istampa	Likwidi li jiżvintaw, bħal: spirtu (ħlief għall-eżami batterjoloġiku) xorb alkoħoliku (ħlief għall-eżami batterjoloġiku) spirtu denaturat soluzzjonijiet kontra l-iffriżar sapun u soluzzjonijiet għat-tindif solventi organiċi u sustanzi li jraqqu ż-żebgħa
P07	Flixkun tal-plastik Qies normali 500 ml sa 1 000 ml Għatu li ma jqattarx Ikklikkja biex tkabbar l-istampa	Oġġetti tal-ikel likwidi li jiżvintaw, bħal: inbid birra xorb u soluzzjonijiet b’livell baxx ta’ alkoħol
R00	Boroż tal-karti Qisien differenti Bit-tikketta stampata minn qabel jew le Ikklikkja biex tkabbar l-istampa	Tabakk Xtieli Oġġetti meħudin fil-forma ta' biċċiet, bħal: madum, injam, karti, tessut, folji tal-metall u oġġetti.
R01	Kaxxi tal-kartun, pakketti Qisien differenti Bit-tikketta stampata minn qabel jew le Ikklikkja biex tkabbar l-istampa	Tabakk Xtieli Oġġetti meħudin fil-forma ta' biċċiet, bħal: madum, injam, karti, tessut, folji tal-metall u oġġetti.
G01	Flixkun tal-ħġieġ Qies kbir 500 ml sa 1 000 ml Għatu li ma jqattarx Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xorb alkoħoliku (anki għall-eżami batterjoloġiku u organolettiku) kampjuni sensittivi għad-dawl (eż. żejt taż-żebbuġa) solventi organiċi u sustanzi li jraqqu ż-żebgħa likwidi sensittivi għad-dawl (maħżuna f'reċipjenti skuri)
M01	Bott tal-metall Qies kbir 500 ml sa 1 000 ml Għatu li ma jqattarx Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xorb alkoħoliku solventi u sustanzi li jraqqu ż-żebgħa organiċi likwidi sensittivi għad-dawl (eż. żjut veġetali)
M02	Flixkun tal-metall Qies kbir 500 ml sa 1000 ml Bokka dejqa Għatu li ma jqattarx Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xorb alkoħoliku solventi organiċi u sustanzi li jraqqu ż-żebgħa Tużahx għal likwidi aċidużi jew alkalini, bħall-ħall jew is-salmura!
M10	Ċilindru tal-gass tal-metall Qies medju Ikklikkja biex tkabbar l-istampa	Gassijiet u gassijiet likwifikati