Il-Kummissjoni Ewropea > Tassazzjoni u Unjoni Doganali > Databases > SAMANCTA

Navigazzjoni


SAMANCTA >

Lingwi oħra >  
SAM-303

Karta
Kampjunar

Karta
Definizzjoni

(lista ta’ kodiċijiet SA koperti minn din il-karta)		 Karta u kartun;

Għall-polpa tal-injam jew ta’ materjal ieħor ċellulożiku fibruż; ara l-iskeda speċifika għal ‘Il-kimiċi, is-solidi’.

Għall-iskart u l-fdal tal-karta u l-kartun, ara l-iskeda speċifika għall-‘Iskart’.

Għall-prodotti f’pakketti għall-bejgħ bl-imnut ara l-iskeda speċifika għal ‘Il-pakketti għall-bejgħ bl-imnut’.


Karta
Kwantità minima rrakkomandata għal kull kampjun Madwar 1 m2 irromblata jew mitwija f'daqs A4

10 folji ta’ daqs A4

Biċċa waħda jew aktar ta’ oġġetti individwali (skont id-daqs tagħhom)
Standards applikabbli (ISO u Normi tal-UE) u leġiżlazzjoni rilevanti
  • ISO 186 Karta u kartun — Kampjunar biex tiġi stabbilita l-kwalità medja
  • ISO 7213 jew EN 27213 Polpi. Kampjunar għall-ittestjar
Għandek tirreferi wkoll għal-leġiżlazzjoni nazzjonali u l-linji gwida nazzjonali tiegħek rigward il-kampjunar.

Tagħmir meħtieġ
L-għodda ssuġġerita għall-kampjunar skont il-metodu użat Għodod ġenerali: sikkina, imqass, rutella eċċ.
Kontenituri li għandhom jintużaw għall-kampjunar
  • Boroż tal-plastik jew kaxxi, daqsijiet differenti, b’tikketta stampata fuqhom minn qabel jew le (P00)
  • Boroż tal-karta jew kaxxi tal-kartun, daqsijiet differenti, bit-tikketta stampata fuqhom minn qabel jew le (R00, R01)
  • Qoxra solida
  • Karta tat-tgeżwir
Prekawzjonijiet tas-sikurezza u valutazzjoni tar-riskju Jekk jogħġbok irreferi għal-leġiżlazzjoni u l-linji gwida nazzjonali tiegħek dwar is-saħħa u s-sikurezza.

  • Oqgħod attent għas-sinjali tas-sikurezza u tat-twissija.
  • Ilbes tagħmir ta’ protezzjoni personali.
  • Għandek tkun konxju dwar kwalunkwe struzzjoni dwar is-saħħa u s-sikurezza fil-valutazzjoni tar-riskju lokali u/jew il-prattiki ta’ ħidma sikuri għall-post fejn ikun se jsir il-kampjunar u ssegwihom.
Tagħmir ta' protezzjoni personali
  • Protezzjoni għall-idejn: jekk ikun hemm bżonn
  • Protezzjoni għar-ras: jekk ikun hemm bżonn
  • Protezzjoni għall-għajnejn: goggles tas-sikurezza, jekk ikun hemm bżonn

Pjan ta’ kampjunar
Tip ta’ konsenjaProċedura
Konsenja għall-iżdoganar tal-merkanzija Il-kampjun aggregat jikkonsisti f’numru xieraq ta’ kampjuni inkrimentali. Meta tkun sodisfatt li l-konsenja hija omoġenja, kampjun inkrimentali wieħed normalment jitqies li jirrappreżenta l-oġġetti koperti bl-istess dikjarazzjoni doganali. Id-daqs minimu tal-kampjun għandu jikkorrispondi għal madwar 1 m2 irromblat jew mitwi f’daqs A4.
Balal jew qatet, cases għall-ippakkjar, pakkett jew tagħbija tal-pallet Kwantitajiet ugwali ta’ kampjuni inkrimentali jittieħdu mid-diversi pakketti li jkunu f’pożizzjonijiet differenti tal-vettura ta’ trasport jew fil-faċilità ta’ ħżin b’għażla każwali jew sistematika.

Evita l-folji kollha bil-ħsara, ħu biżżejjed folji minn unitajiet magħżula differenti biex jiġi pprovdut kampjun suffiċjenti għall-ittestjar mitlub (ara l-kwantità minima rrakkomandata).

Jekk tkun magħrufa, immarka d-direzzjoni tal-magna fuq il-folji.

Jekk l-unità tkun magħmula minn elementi (riżmi ta’ pakketti) ippakkjati flimkien, immonta l-unitajiet kollha magħżula u agħżel elementi minnhom billi tuża l-istess metodu li ntuża biex intgħażlu l-unitajiet mill-konsenja.
Rukkell (Roll) Kwantitajiet indaqs ta’ kampjuni inkrimentali jittieħdu minn pożizzjoni waħda jew aktar fil-konsenja kollha, minn unitajiet differenti b’għażla aleatorja jew b’mod sistematiku.

Neħħi s-saffi kollha bil-ħsara minn barra ta’ kull rukkell magħżul flimkien ma’ tliet saffi bla ħsara ta’ karta jew saff wieħed bla ħsara ta’ kartun.

Imbagħad aqta’ l-istess numru ta’ folji minn kull rukkell magħżul biex toħloq kampjun finali. In-numru ta’ folji li jittieħdu mil-lott għandu jkun biżżejjed biex jipprovdi kampjun suffiċjenti (ara l-kwantità minima rrakkomandata).

Il-folja tista’ tittieħed direttament mir-rukkell jew ir-rukkell jista’ jkun maqtugħ tul il-wisa’ kollha tiegħu, il-munzell folji maqtugħa jitħalla jaqa’ fuq kull naħa, ir-rukkell jitneħħa u l-folji maqtugħa minn kull munzell.

Jekk l-unità hija pakkett li ma jistax jitneħħa kompletament mit-tgeżwir, aqta’ fetħa jew fetħiet ta’ madwar 45 x 45 cm. Mill-fetħa, aqta’ sa profondità suffiċjenti biex tkun tista’ toħroġ in-numru ta’ folji biex toħloq kampjun finali. Neħħi s-saffi kollha bil-ħsara flimkien ma’ mill-inqas tliet saffi fuq barra u bla ħsara ta’ karta jew saff wieħed bla ħsara ta’ kartun. Varja l-pożizzjoni tal-fetħa jew tal-fetħiet fl-unitajiet u bejniethom.
Oġġetti individwali Biċċa waħda rappreżentattiva jew aktar jittieħdu skont id-daqs tal-oġġett. Meta l-oġġett ikun żgħir (id-dimensjonijiet kollha sa 10 cm) kun żgur li l-kampjun finali jkun jikkonsisti minn tal-inqas 3 oġġetti.

Immaniġġjar tal-kampjuni
Kummenti ġenerali Kampjunar: Għandek tiżgura li l-oġġetti li qed tiċċekkja jikkonsistu f’konsenja waħda. Jekk ikun hemm diversi konsenji, dawn għandhom ikunu identifikati b’mod separat. Kampjun aggregat jista’ jiġi ffurmat biss minn pakketti mill-istess lott li jkun jinsab fl-istess konsenja. Il-kampjuni tal-unitajiet ta’ karti jew ta’ kartun jintgħażlu b’mod aleatorju jew b’mod sistematiku minn lott tal-konsenja.

Unità = komponent ta’ lott li jista’ jkun fil-forma ta’ rukkell, balla, qatta, pakkett, kontenut ta’ case tal-ippakkjar, tagħbija tal-pallet, eċċ.

Il-kampjuni inkrimentali (folji) huma kombinati u suddiviżi ulterjorment biex jipprovdu l-kampjuni finali. Il-proċedura tvarja jekk l-unità tkun pakkett li jista’ jitneħħa kompletament mit-tgeżwir minn unitajiet li ma jistgħux jitneħħew mit-tgeżwir. Il-kampjuni inkrimentali kollha jridu jkunu tal-istess daqs.

Għandha tingħata attenzjoni fl-immaniġġjar tal-kampjuni. Għandhom jintlibsu ingwanti xierqa billi jekk tmiss il-karta b’idejk mikxufa tista’ taffettwa konsiderevolment il-karatteristiċi kimiċi, fiżiċi, ottiċi, tal-wiċċ jew oħrajn.

Il-kampjuni li jkollhom difetti jew danni viżibbli dovuti għall-kampjunar jew għat-trasport, ma jistgħux jintużaw għall-ittestjar.

Ippakkjar tal-kampjuni: Il-kampjuni finali għandhom jitgeżwru f’kaxxa tal-plastik jew tal-karti jew jitqiegħdu f’qoxra jew f’envelop solidu tal-plastik jew tal-karti. Il-kampjuni għandhom jinżammu ċatti, mingħajr tikmix u tiwi. Jekk il-kampjuni jkunu fil-forma ta’ strixxi dojoq ħafna, dawwarhom madwar roll. L-oġġetti individwali għandhom jiġu ppakkjati f’boroż tal-plastik jew tal-karti jew f’kaxxi tal-kartun ta’ daqsijiet varji.
Formola għall-kampjunar Imla l-formola għall-kampjunar. Kopja għandha tkun mehmuża mal-kampjuni u oħra għandha tinżamm fir-reġistri.
Trasport Il-kampjuni għandhom jinżammu f’temperatura ambjentali f’post xott u vventilat tajjeb. Għandhom ikunu protetti minn espożizzjoni għal kondizzjonijiet li jistgħu jibdlu l-proprjetajiet tagħhom.
Ħżin Il-kampjuni għandhom jinżammu f’temperatura ambjentali f’post xott u vventilat tajjeb. Għandhom ikunu protetti minn espożizzjoni għal kondizzjonijiet li jistgħu jibdlu l-proprjetajiet tagħhom.

Karta (espandi l-lista)
In-Numru tal-HS Id-Deskrizzjoni


Ir-Reviżjonijiet
Il-Verżjoni Id-Data Il-Bidliet
1.1 15.07.2020 L-ewwel verżjoni