| Għodda li tifred il-kampjuni |
| Magna li tqabbeż il-kampjun b’mod li jaqa’ f’sensiela ta’ dliewi alternati li jisseparaw il-kampjun f’żewġ porzjonijiet indaqs ġo dixxijiet jew kaxex imqiegħda taħtha. |
   |
Meta jkunu ttieħdu għadd ta’ kampjuni inkrementali u jkun inħoloq kampjun aggregat, jista’ jintuża s-separatur tal-kampjuni sabiex jitnaqqas id-daqs totali tal-kampjun. Pereżempju, 10 kilogrammi ta’ qamħ jistgħu jitnaqqsu għal żewġ porzjonijiet indaqs ta’ 5 kilogrammi. Jekk jintuża aktar minn darba d-daqs tal-kampjun ikompli jiċċekken sakemm wieħed ikollu l-kwantità xierqa għall-kampjuni finali.
Din il-kwantità tista’ tinqasam f’żewġ porzjonijiet indaqs u rappreżentattivi sabiex wieħed joħloq il-kampjun finali kif ukoll il-kampjun iddupplikat jew ta’ riserva. |
| Il-qiegħ tal-magna huwa maqsum f’numru ta’ dliewi rqaq li b’mod alternat iħarsu lejn il-lemin u lejn ix-xellug. Meta kampjun ta’ trab jew ta’ frak jitferra’ fil-magna dan jgħaddi mid-dliewi, u jaqa’ b’ammont ugwali fid-dixxijiet li jkunu taħt biex b’hekk joħolqu żewġ porzjonijiet identiċi. |
| Qamħ, ross, zokkor, żrieragħ, jew żibeġ tal-plastik għall-ipproċessar ulterjuri. |
| Neħħi d-dixxijiet u imsaħhom b’ċarruta nadifa. Jekk jibqa’ xi trab fl-apparat jista’ jkollok taħslu bl-ilma jaħraq u bis-sapun. Nixxfu sew qabel terġa’ tużah. Ikun aħjar jekk tuża separaturi separati għall-ikel u għall-kimiċi. |
